Kami ta un Dutch Shepherd distinguido y yen di energia, cu ta buscando un hogar permanente unda e por florece.
Actualmente, Kami ta den un fase di preparacion na Iguana Dog Resort, unda e ta ricibiendo e training necesario pa canalisa su gran vitalidad y potencial.
Profiel di Personalidad:
Caracter: Kami ta un cacho sumamente leal y protector, ideal pa personanan cu ta busca un compañero fiel pa cuida nan propiedad.
Nivel di Energia: E tin hopi energia y ta gusta actividad fisico manera core y bula. E ta un candidato ideal pa un doño activo.
Training: Debi na su nivel di energia, e ta rekeri un doño cu pasenshi, dedicacion, y tempo pa structura su training y guia su comportacion.
Rekisitonan pa un hogar adecua:
Pa garantisa e bienestar di Kami, e hogar mester cumpli cu e siguiente condicionnan:
•Espacio: Un cura halto y bon cera ta esencial. Kami no por wordo teni den haula ni tampoco mara.
•Convivencia: Kami ta social cu otro cacho, pero pa su propio bienestar y esun di su habitantenan, e hogar no mester tin pushi ni mucha.
Interesa den adopt’e?
Kami ta cla pa bira bo miho amigo y protector, basta cu e haya e guia y pasenshi cu e merece. Si bo ta e persona cu tin e tempo y e curason pa duna Kami un segundo oportunidad, por fabor tuma contacto cu Iguana Dog Resort na 5628755 pa agenda un bishita y conoce nos amiga.
