Jonathan Sewell ta practica e deporte di Karting. E no tin mucho tempo den e deporte, pero a bent’e mesora den un categoria halto cu hopi velocidad. E tin 34 aña y ta prome biaha cu el a bay competi na Bogota.
Jonathan mes ta un Rookie den Shifter y el a haya invitacion di Team Paesch y tambe coredo Christopher Arends pa participa na e competencia na Tocancipa. E ta un experiencia hopi grandi pa por participa y bira miho den coremento na Aruba y na mundo. Jonathan a sigui conta cu e ta stima e deporte di Karting y mester tin hopi curashi, hopi curason y tambe hopi placa. Manera bo minuutnan cuminsa baha den e bueltanan cu bo haci, esey ta nifica cu bo ta cla p’e. Esnan cu kier haci e deporte di Karting ta importante pa bo tin un bon team pa asina bo sa kico pa bo haci. Team Paesch a yud’e hopi pa e bay dilanti.
Na comienso e tabata tin hopi miedo y nervio. Pocopoco, bahando e tempo bo ta cuminsa handle. Na e competencia di Karting a core den pista seco, pista muha, solo, den frieu y tur esaki ta hunga un rol den bo resultado. Curashi ta e cos mas importante. El a haci diferente deporte pero esun di Karting ta un siguiente nivel. E no ta algo fisico pero Karting ta algo mental tambe. Awo e team ta tin plan pa participa den exterior den otro caredanan. Si nan team gana awo na Colombia, nan lo haya un pass pa bay mundial.
