Corsou tambe t’ey un biaha mas na Colombia pa participa den competencia internacional di Karting. Esaki ta tumando luga na Tocancipa, situa pafo di Bogota.
Tin diferente pais participando den e caredanan aki. Robbie Reuijl ta un di e personanan cu ta pusha hopi pa e deporte di Karting na Corsou. Durante entrevista el a afirma di ta contento cu 24ora t’ey tur aña pa haci cobertura di e caredanan. Nan team di Corsou ta hopi avansa den e competencia cu e coredo Jarzinho Pita.
Na Corsou nan ta pushando cu gobierno pa pone un pista di Karting na Ronde Klip. E interes tabata t’ey y nan mester trec’e bek pasobra tur ta wardando riba e pista nobo pa bolbe. Nan tin dos coredo di Hulanda cu awo ta den e top cinco na mundo den Karting segun Robbie Reuijl. Nan kier bin core na Corsou pero nan tambe ta pendiente pa e pista.
Jarzinho Pita cu ta e coredo di Corsou coriendo na Tocancipa cu ta coriendo hopi bon. E tabata tin algun tempo sin core pero el a bolbe y ta haciendo su best pa bay dilanti. Den e caredanan di diasabra mester a core riba pista muha y pista seco. Segun Jarzinho Pita no ta haci diferencia y si ta p’e awa por keda cay henter dia mes durante competencia.
E careda ta bayendo bon y di dialuna cu a pasa pa diasabra a mira hopi progreso. Bandera di Corsou mester subi podio, segun Jarzinho a bisa.
