E ronda di consulta cerca Gobernador, Su Excelencia, Alfonso Boekhoudt, a sigui cu e bishita di presidente di Parlamento. Como presidente di parlamento e tabata presente na e reunion cu Gobernador di Aruba, pa duna su contribucion den e proceso pa formacion di gobierno cuminsa.
Juan “Ady” Thijsen, presidente di parlamento, a splica cu ta hopi importante p’e presidente di parlamento duna su opinion con e ta mira y pensa di e situacion. Aki e ta expresa kico e ta kere ta importante den e cuadro di democracia di e pais. Tur hende sa unda Aruba ta para economicamente, financieramente, socialmente. Tambe con Aruba su estado di derecho ta para. E formacion di un gobierno nobo ta hopi importante p’e.
Ta importante loke esunnan cu ta reuni cu Gobernador trece dilanti, pasobra esey ta cosnan cu nan ta bay cu ne pa forma pensamento pa mira si mester di un informado of bay pa formado di biaha. Tur cos ta depende di informacion.
Pa mas informacion abona riba www.trempan.com.
