Despues di tres dia di competencia siman pasa na Monterrey, Mexico, e Arubiano Joshua Paredes ta bay regresa for di e 2022 IMMAF Pan Ams Championships cu un medaya di plata rond di su nek. El a gana esaki den e categoria Bantamweight 61.2 kg (135 lbs).
Paredes tabata e unico participante representando nos isla den e evento caminda tambe tabat’ey atletanan di Brazil, Colombia, Grenada, Guyana, Jamaica, Mexico, Puerto Rico, Trinidad & Tobago, Merca y Uruguay, competiendo den diesseis categoria, for di atomweight te lightweight pa hende muhe y for di strawweight te super heavyweight pa hende homber.
Informacion cu a obtene, ta cu Joshua tabatin un salida impresionante ganando Carlos Nanez di Merca den tres rond. Den final el a enfrenta Carlos Polito Guevara.
