Jose Hernandez, bartender na Sweet Peppers Restaurant, a participa den competencia di Heineken y a resulta e ganado. E ta haya e oportunidad di representa Aruba na Amsterdam cu Romar Trading y Heineken. Na Aruba no ta custumbra cu draft college, cu ta baha cerbes den glas y esaki ta algo cu Heineken kier cuminsa cun’e, asina Brian Maduro, brand manager di Heineken, a bisa.
Durante e competencia Heineken a introduci nan blade machine, di cual tabatin esaki poni riba website. Hendenan por a scoge nan bartender preferi y tabatin 15 finalista, di cual 6 a cualifica.
Boekhoudt tabata contento cu Hernandez a gana, kende ta un persona hoben y entusiasma cu cerbes. Heineken ta contento con cosnan a bay y tabatin publico basta grandi. Esaki ta prome biaha cu a organisa competencia di bartender.
Jose Hernandez lo competi na Amsterdam entre 150 pais di e 192 pais cu ta distribui Heineken. E ta bay competi contra mas hende rond mundo y lo bay tin show. E lo haya mas training di preparacion, pero e lo keda cu su habilidad di bartender pa competi.
E competencia na Amsterdam lo ta mas streng pasobra e lo ta internacional. Hernandez ta spera cu lo tin mas competencia pasobra e ta sinti cu e ta cla p’e. E ta contento cu e competencia y cu tur cu a haci nan esfuerso.
