Parlamentario di AVP, John Hart, ta considera cu ta mucho trempan pa tuma e decisionnan riba e tema di bestaansminimum sin un analisis mas profundo di e cifranan y e impacto riba comercio y comerciantenan. El a indica cu e kier haci e preguntanan na Gobierno pa haya claridad tocante e dialogonan cu ta tuma luga cu e sector comercial y e plannan pa atende e asunto aki.
Hart a enfatisa cu e problema di bestaansminimum ta existi caba pa hopi aña y cu a yega e momento pa atende e situacion aki di un manera fundamental. El a recorda tambe cu den e plan di gobernacion ta menciona un plan pa mehora e poder di compra di e pueblo, un tema cu, segun Hart, ta directamente relaciona cu e discusion aki.
Tambe a menciona cu, cualkier medida pa aumenta e bestaansminimum mester ta bon fundamenta y implementa di un manera responsabel, por ehempel, den fase durante varios aña. Esey lo duna espacio pa evalua e impacto di cada aumento y considera e compensacionnan necesario p’e sector comercial.
Hart a reconoce cu no ta tur hende lo ta satisfecho cu e decisionnan tuma, pero el a subraya cu e problema di bestaansminimum no por keda sin solucion. El a agrega cu Parlamento tin un papel importante den e proceso legislativo, ya cu cualkier cambio den ley mester ta debati den Parlamento.
Pa mas lesa TREMPAN.
