E seccion Jeugd en Zeden Politie di Cuerpo Policial Aruba tin como tarea, entre otro, pa investiga casonan penal di sospechosonan bou di 18 aña y alabes casonan inmoral. For di 1 di januari 2019 te cu 30 april 2019 Jeugd en Zeden Politie a tuma un lista di denuncianan pa cu casonan inmoral. Ta notando un aumento den e casonan, un tendencia masha lamentabel den nos comunidad.
Di acuerdo cu e relato emiti pa Polis, e seccion di Jeugd en Zeden Politie a procesa e aña aki 12 keho di abuso sexual (Victimanan di 16 aña of mas). Di otro banda tabatin 19 ontucht zaken ( Mucha bou 12 aña art. 2:199 Wetboek van Strafrecht y mucha entre 12 cu 15 aña art. 2:200 wetboek van Strafrecht).
Pa resumi e casonan mensual:
- Januari 2019: 11 denuncia di cual 7 tabata abuso sexual y 3 tabata ontucht
- Februari 2019: 9 denuncia di cual 3 tabata abuso sexual y 5 tabata ontucht
- Maart 2019: 9 denuncia di cual 1 tabata abuso sexual y 4 tabata ontucht
- April 2019: 12 denuncia di cual 1 tabata abuso sexual y 7 tabata ontucht
En total a detene 33 sospechoso cu a bay cera. Ta obvio cu Polis ta atendiendo hopi menos caso compara cu Hospital, unda ta atende entre 3 pa 7 caso di abuso sexual cu mucha pa siman!
Na Jeugd en Zeden Politie tin 8 recherche trahando, di cual 3 ta certifica pa interoga (Studioverhoor) mucha bou 12 aña.
