International Order of the Rainbow for Girls ta un organisacion pa mucha muhe di entre 11 y 20 aña di edad cu ta yuda comunidad pa medio di obra di caridad y proyectonan social. Nan ta siña nan miembronan tocante liderazgo y planning.
E organisacion aki lo tene un benta di cos dushi y tambe un garage sale cu, desafortunadamente, nan a mester a pospone pa motibo di e fayecimento di nan Presidente di Directiva Paul ‘Dadu’ Croes. Un persona cu a apoya e organisacion desde su comienso, como tambe pa e ultimo 20 añanan.
E fecha nobo pa nan evento pa recauda fondo lo ta dia 3 di juli for di 11:00am te cu 1:00pm. Tur esunnan cu a cumpra ticket por participa den nos rifa cual ta tuma luga riba e mesun fecha di e evento di recaudacion di fondo.
Mision principal di nos evento pa recauda fondo ta pa haya fondo pa sostene nos organisacion y varios di nos proyectonan.
Nan ta spera di por conta cu e apoyo y sosten di e comunidad di Aruba.
