Dialuna atardi National Hurricance Center a emiti e prome boletin relaciona cu tormenta sub-tropical Andrea. E momento ey e tabata mas cu 900 km noord di Santo Domingo. Nos a acerca mesora e unico Meteorologo di Aruba drs. Mark Oduber. El a splica nos den detaye con henter e sistema ta hinca den otro.
Drs. Mark Oduber a splica cu e sistema aki lo keda riba lama Atlantico y no ta di importancia directo pa Aruba. Principalmente personanan cu ta biba na e isla di Bermuda mester monitor e sistema aki. Aunke cu temporada di Horcan ta start climatologicamente 1 di juni, semper bo por haya algun sistema cu ta desaroya prome. Ta anticipa te cu ainda, cu e sistema ta perde forza prome cu e por yega Bermuda.
