E hefe di Guarda Nos Costa Trudy Hassel a core malo y causa accidente na Paradera. Esaki a sosode dialuna atardi laat. Despues di causa accidente e no kier a baha mes for di e auto. A sconde pa asina prensa no haya saca su potret den auto di trabou. E tabata scondi den e auto cu glasnan y entre otro windshield tambe preto preto. Trudy Hassel a haya un trato preferencial for di esnan di Forensys.
Normalmente tur hende envolvi den accidente entre otro Polisnan mes ta bay sinta den e van di Forensys. Asina ta splica kico a pasa pa seguro haya e accidente documenta. Den e caso di Trudy esnan di Forensys a bay sinta cu Trudy den e auto di trabou cu el a kibra. E otro chauffeur tabata cu un BMW.
Trudy Hassel hefe di Guarda Nos Costa ta causa accidente na Paradera
Trudy Hassel hefe di Guarda Nos Costa ta causa accidente na Paradera. Click e link pa mas https://24ora.tv/30vxB9w
Posted by 24ora on Monday, May 20, 2019
E chauffeur aki ta tambe chauffeur di gobernador. E tabata cu su auto personal. Na e sitio e chauffeur di e BMW mes a splica cu e tabata saliendo y Trudy Hassel tabata biniendo roekeloos cu auto di Dienst y dal den su auto ora a coy e birada pa bay direccion di CITGO Paradera. Danki Dios no tabata tin hende herida.
