Diahuebs, polisnan a bay haci un control riba e beachnan, entre otro Eagle Beach, J.E. Yrausquin Boulevard, LG Smith Boulevard, Malmok, Arashi. Durante patruya, nan a ripara na altura di Coco Loco, cu tabata tin un bandera Hulandes ta zwaai na un palo. Polis a wordo acerca pa e homber O., kende a declara cu el a pone e bandera eynan, pasobra e siman aki e lo cuminsa campa y tur hende cu kier campa cun’e sa unda e luga di campa ta. El a wordo avisa cu un bandera por wordo hisa solamente na un mast di bandera. E mustra respet na cualkier bandera. El a mustra comprencion y lo laga busca un mas special di bandera pa hisa esaki. Polis a sigui cu su control. Comandante na warda a wordo poni na altura.
