Awe mainta Corte a declara e homber Juan Tromp liber di e acusacion di cu e lo a mishi cu un mucha. Pa condena un persona den un caso unda tin solamente un declaracion contra e acusado, mester tin steunbewijs. Den e caso aki no tin esey. Abogado mr. Patrick van der Biezen tabata den Corte na defensa di e sospechoso. No tabatin famia di e muchanan presente pa e sentencia, ni nan tata Reginald Danies. 

Pa loke ta e caso mes, tin solamente declaracion di e mucha cu a conta otronan loke a pasa pero ningun otro hende mas no a mira cu nan mesun wowo loke e denunciante ta bisa.

Ademas, e forma con e tata a interog’e no ta esun cu expertonan ta conseha pasobra cu su tono e por influencia e menor pa e bisa loke e kier.

Tambe Hues a tene na cuenta e hecho cu e mucha a declara cu su mama y su tata a conta nan cu Juancho a mishi of abusa di un tanta di nan y di un Haitiana. Tambe a tene cuenta cu e menor a declara cu e tin miedo di su tata y cu el alansa e acusacion contra Tromp na momento a reclama nan ken a bebe juice cu tin warda pa hiba scol.

Otro aspecto cu tambe a tene na consideracion ta cu a bay entrega keho na Polis dos aña despues cu supuestamente a abusa di nan.

Ley ta bisa cu un Hues no por condena un sospechoso sin steunbewijs. Y den e caso aki no tin esey. No a keda Corte nada otro cu declara e homber liber.

Foto saca pafor di sala di Corte dos siman pasa, durante tratamento di e caso penal.

Comments

comments