Loke a shock henter comunidad tabata e anuncio y entregamento di carta p’e retiro di Gabinete Wever-Croes. HTC a mira cu esaki tabata di pasa, pa motibo con e maneho ta bayendo. Pero awor pio cu tin sospechoso riba algo y Ministerio Publico no ta faya riba tipo di cosnan aki.
Gilbert Webb, lider di partido HTC, a indica specialmente ora c’un parlamentario ta haci tipo di cosnan aki. Pueblo a deposita nan confiansa na e parlamentario no pa haci mal uzo di voto, pero pa haci e bon causa, e bon maneho. Tur e cosnan aki ta loke partido HTC ta mira cu ta na caminda caba. E gobierno aki a percura pa benta gobierno abou pa no daña nan nomber. E partido geel, esta MEP, no tabata kier daña nan nomber y nan ta papia hopi di integridad. Pero nan a soporta un ex-minister di e mesun partido, kende simplemente ta bou sospechoso.
Awo diripiente nan kier tuma accion, pero nan ta laat. Webb a bisa di ta mira loke e ex-mandatario ta bisa di kier mandato completo, pueblo no ta bobo y esaki no ta bay sosode. Gilbert Webb a bisa: “E pueblo a scoge pa un coalicion y aworaki sigur nan ta bay scoge un otro coalicion, pero uno cu si ta bay traha p’e pueblo di Aruba.” Un coalicion cu si ta pone e ser humano central.
