Na Dr. Horacio E. Oduber Hospital tin mas di 1000 profesional ta traha diariamente pa e pashent su salud cu ta e prioridad. Pero banda di ta profesional den mundo di cuido y salud tin hopi talento den diferente otro ramo ta cana rond. Un coro a nace aña pasa september despues cu a hasi un “talent search” internamente y awe orguyosamente nos ta lansa e bunita producto final titula Nos semper t’ey conhuntamente cu un videoclip cu ta dunabo e sentimento berdadero cu no ta importa e ora, dia, funcion ni edad, paso Nos semper te’y!
E idea di lanta un coro di colega di HOH y graba un cancion a cuminsa desde aña pasa for di colega Jessy Leon-Tromp di departamento di Comunicacion. Manera cu a presenta e idea a haya “green light” di Hunta di Directiva y e “brainstormsessions” hunto cu colega Rachel Kraaijvanger a cuminsa. A acerca e tan conoci compositor Eltienne Yarzagaray y durante e meeting colega Jessy a bise cu e ta pensa den e direccion di “Nos semper t’ey”.
Sin importa ora, dia, cualkier momento den un persona su bida cu por ta uno alegre of uno doloroso cu mester nos di HOH semper t’ey pa sostene y brindabo e cuido y sosten. “Corda cu e salud di nos pashentnan ta nos prioridad” ; Jessy a termina bisando. Y Eltienne a encanta e idea y a ranca sali cu su composicion y manera e team di HOH a scuche a sigui cu e proceso di training sigui pa grabacion. E training a wordo guia pa colega Rachel y Jessy cu a haci un super trabou.
Un coro for di diferente skina di HOH, diferente cultura y funcion a join y a logra un bunita cancion. Algun ta cantante ya conoci, otronan in e talento pero no sa sali den publico a logra yega na un cantica excepcional cu por wordo scucha y ta dunabo un sentiment di alegria. E grabacion a tuma luga durante un weekend na november di aña pasa cerca areglista y productor Rygel Isabella di REI Music Creation. E idea pa loke ta e videoclip a sali for di team di Comunicacion. E magia a wordo hasi un realidad pa Gleison Mateus asisti pa Jason Inesia di Awareness.
Gradicimento ta bay na tur e talentonan di HOH su coro esta Romeo Kilayko, Randall Leong, Bert Rodenburg, Jacco Vroegop, Rachel Kraaijvanger, Fridelaine Lopez, Nohaly Lue, Sue Ann Luidens, Mahalia Manuela, Brittney Hazel, Hanna Lanting, Ligia Geerman, Jelissa Martinus, Hortencia Nijhorst, Loura in ‘t Veld, Natacia ter Beek, Janet Campo, Charmain Odor, Zulaika Geerman, Jessy Leon-Tromp.
Spera tur hende disfruta di e bunita cancion aki di HOH cu a wordo traha cu hopi curason pa boso tur cu ta kere den nos profesionalnan paso nos kier pa boso sa cu no ta importa ken bo ta, ni rasa, ni cultura, ni religion..den bon y den menos bon Nos semper t’ey!
