ImSan Centro di Diabetico a organisa un ‘health check’ pa e empresanan. Durante e chekeo a controla diferente, pero tambe a tene ehercicio simpel. Hopi persona a inscribi pa forma parti di e evento di ‘health check.’
Kimberly de Groot, podotherapeut na ImSan Centro Diabetico, a expresa cu dia 14 di november ta dia mundial di Diabetes. E Centro di Diabetico a organisa un health check y e biaha aki nan a acerca e empresanan den vecindario na Camacuri pa inscribi. Tabatin hasta time slot cu nan por a scoge un orario pa nan presenta. Asina ey nan no ta perde hopi orario di trabou. Tur empresa rond di ImSan a inscribi pa forma parti di e ‘health check.’
A controla sucu, presion, colesterol. Tambe tabatin demostracion simpel, pero cu tin efecto. Esaki tabata haci pa IBiSA. Durante e control, cada bes tabatin grupo di dies persona tabata drenta. Tabata check nan presion y despues tabatin ‘healthy tasting’ di algun snacks pa fin di aña.
De Groot ta contento cu e cantidad di persona cu a inscribi. Esey ta demostra cu e empresanan ta haya e salud y bienestardi e trahadonan importante.
Fin di aña ta yegando y mayoria bes na cada bishita tin algo di come. Elisa Wout, dietista di ImSan Centro Diabetico, a splica cu por come tur cos pero den moderacion. Hopi biaha den dianan di fiesta tin hopi tentacion, por come nan pero di modo modera. Un ehempel ta cu si come ayaca, no come un salada di batata of pan de jamon na banda. Esaki ta debi cu e ayaca ta mas c’un cuminda principal, p’esey balansa esey. El a recomenda cu ora di come algo cu tin carbohidrato, pa no bebe fruit punch of algo cu tin sucu. Pero, purba di evita esey pa asina por tin e sucu controla durante e dianan di fiesta.
Recomendabel bebe awa
Awa ta hopi recomendabel. Esey ta un di e bebida mas saludabel pa tur hende bebe. Wout a expresa pa loke ta e hendenan diabetico, y riba dia mundial a enfoca riba esey, ta importante pa bebe suficiente awa. Si kier cambia pa algo otro, por bebe koffie of te sin sucu, tambe por uza algo otro pa reemplasa e sucu, cu no ta influencia e sucu den sanger. Por traha infuse water cu ta fruta hinca den awa cu ta trek.
Pa mas lesa TREMPAN.COM.
