Diahuebs atardi den careda di 4:00pm, sin motibo algun un homber a haya bon di comete destruccion na e muebleria parti pafo di ‘On the Rocks’ bar situa na Adriaan Lacle Boulevard. Mesora un patruya a yega na e sitio.
Testigonan a indica e agentenan cu e homber di remate a bay direccion di Citgo.
Demas agentenan motorisa tambe a bin reenforsa nan coleganan, eynan a pone e homber na vloer. E homber a resisti su detencion pero asina mes boei’e. El a haci comosifuera e no sa di nada y ta gasolin el a bin cumpra.
E homber a cuminsa papia yen di co’i kens y grosero cu polis.
Polis cu no a basila a atende man duro cu ne y hinc’e den transporte. A transporta e homber pa warda di polis unda el a duna cuenta pa su acto.
Motibo pa cual el a causa destruccion no ta conoci.
