Den e bintitres añanan den aire di MAGIC FM , nos a siña di ta mas cu solamente un vehiculo di informacion y entretenimento. Awendia radiodifusion a bira mas un fuente di inspiracion y motivacion. Erin Croes a refleha riba e añanan di existencia di e radio emisora cu a pasa door di evolucionnan interesante den e ultimo añanan. “Nos a cuminsa mas grandi den tamaño di localidad, cu mas empleado, pero mas tempo a pasa, nos a nota cu tur esaki a bira obsoleto, pues awendia no mester di edificio grandi of cantidad enorme di empleado”. Tecnologia a facilita hopi cos cu e ser humano antes mester a haci den un forma manual. P’esey a constata cu por ehempel banco- of companianan grandi tambe a bay traha sea virtual of mas computarisa. Loke si nan ta kere firmemente aden ta e contacto humano, brindando e calor humano pues di hende pa hende cu ta keda semper necesario. Loke si nan tin ta colaboradonan den tur aspecto, kiermen e trabou den e sentido profesional y completo ta solido”.
Cos a cambia hopi
Awendia cualkier entrevista por tuma luga virtual, loke antes ta tuma full un set-up por sosode via remote y virtualmente. E cambio ey den e forma pa haci e trabou a keda ahusta y adapta pero semper manteniendo nan filosofia y originalidad.
A siña hopi cos di pandemia
Traha for di cas, a bira normal nobo, inverti den tecnologia solido, bin cu programacionnan mas mediador. Mundo ta yena di cosnan negativo caba, pues nan mester purba ta mas un fuente di speransa y inspiracion pa nan audiencia. Durante e pandemia nan a verhuis studio principal na cas di nan director y a introduci e slogan ‘MAGIC brings relieve’. Tur dj y locutor a set up un mini studio na nan cas y ta haci nan shownan virtualmente. For di Reno Irausquin, Vibes, Dj Quality, Campo y Irving. Sin laga afo, Pica Show, T-Time e.o.
Motivational package
MAGIC FM a caba di introduci un ‘Motivational Package’ pa su amigonan den comercio cu tambe ta desea di ta parti di e jornada di motivacion aki. E combinacion di ta un medio di musica, entretene nos oyentenan, semper cu premionan bunita semper, pero mas cu tur ta un fuente confiabel di informacion. Bo Radio Stacion di motivacion!
E rol di medionan di comunicacion awor ta mas cu solamente informa, educa, entretene. Awor mester pone mas atencion na un contenido cu mas positivismo y inspiracion.
MAGIC FM ta gradici cada un di su amigonan den comercio cu a sosten’e den e ultimo 23 añanan y esunnan cu lo sigui sostene nan media semper.
