Mirando cu a bin cierto medidanan den cuadro cu e aumento di e cantidad di casonan di COVID, Cuerpo Policial lo haci nan control mas severo.
Segun Alto Comisario Vanessa Tjon-Kock, e intencion di e controlnan aki tabata practicamente pa full un otro intencion. Pa loke ta parti di violencia y arma di candela. Awo nos tin COVID tambe. Esey ta nifica cu e trabao di polis no ta bay cambia, sino e ta bay bira mas hopi.
E control den fin di siman lo continua. Lo bay tin preventief fouilleren fo’i 7:00 pm pa 7:00 am.
Lo tin hopi unidad riba caya cu diferente control den luganan nocturno, unda, cu a base di e medidanan, polis tin cu bay haci e controlnan aki tambe.
Pa loke ta orario di ceramento, esaki no ta bin zomaar. Segun Tjon-Kock, ta purba di limita e problema cu ta hayando awor aki pa loke ta COVID.
Ta haci un peticion un biaha mas pa e doñonan di establecimento, mirando cu ta nan a ripara cu situacion ta saliendo fo’i man, pa tuma nan precaucion, yudando polis.
Pa loke ta gebiedsverbod, lo bay tin riba entre otro beachnan publico y tambe parkinglot. E tipo di controlnan aki lo ta severo, pa asina yuda pa mitiga e cantidad di contagio na Aruba.
Pa cobertura mas amplio, lesa e edicion di TREMPAN mañan.
