Diabierna, pa mas of menos 1’or y mey di marduga, a drenta un melding di un caso di maltrato cu lo a sosode na altura di e crusada banda di Tat Fat, cual ta Venezuelastraat/Weststraat. Segun informacionnan compila, un tal JG lo a coy e celular di un dama cu tabata den e bar e momento ey, despues di un discusion, di manera cu esaki a sigui su tras. Di un manera of otro, e homber lo a dal e dama cu su auto, pasando aparentemente riba su brasa, cu esaki a keda herida. E homber mes a huy for di e sitio, pero pa su buena racha, el a wordo gara den Orinocostraat. Ambulance a presenta na e sitio, pa duna e dama prome auxilio. Despues a hib’e hospital pa tratamento medico avansa.
