Hopi hende ta probecha di e lama plat pa bay tira liña na areanan cu hopi biaha lama sa ta bruto. Anochi laat un caso a sosode unda un persona di edad a cay herida su mes malamente. E tabata cu algun famia di dje na baranca. El a bay cana y a trompica cay y habri tur su rudia.
Tambe den e caida el a dal su pecho. Mesora famia a sali na su yudanza. A bati alarma tambe. Polis a yega mesora na e area pasando Arashi unda e barancanan ta canto di awa.
Eynan Polis a wordo avisa cu ya caba a hinca e homber den auto Getz Blanco y bay cune na Arashi pa spera yudanza. Polis a topa cu e auto. A pidi presencia di ambulance cu urgencia pasobra e persona tabatin basta dolor na pecho. Na yegada paramediconan a tuma over mesora.
A atende den ambulance y despues sali cune pa Hospital. E oranan nos dilanti ta spera lama basta bruto despues di caida di biento y dos dia di lama plat.