Dialuna anochi e patruya riba brommer banda di Hotelnan High Rise a para un auto cu tabata transporta turista. Polisnan a mira con e auto cu number A a lanta e turistanan bay cune. A duna e chauffeur señal pa para. Ora cu el a para a resulta cu e turista no tabata sa mes cu ta auto pirata nan a subi.
E Polisnan a cuminsa cu investigacion y a constata cu e chauffeur femenino ta mustra bebi tambe. Ademas e auto no tabatin documentonan na ordo.
E chauffeur no por a prueba un rijbewijs valido. A confisca e auto tambe. E sospechoso aki tin basta delito colga riba su cabez y awor Fiscal mester dicidi kico lo sosode. Asina tin hopi auto mas riba caya cu e mesun situacion haciendo trabou ilegal. A tuma declaracion di e turistanan y despues nan por a bay nan hotel.
