Diasabra pa mas of menos 12:45pm, polis a haya informacion cu un homber a bira basta malo den Caya St. John den Village. Na yegada di polis, nan ta bin topa cu un homber benta memey di caminda. A pone ambulance na altura di biaha. A bin resulta cu e cabayero aki a haya un atake di epilepsia y a cay abao.
Rapidamente ambulance a yega na e sitio y a atende cu e cabayero. A transport’e pa hospital pa asina e haya tratamento medico avansa. Mientras tanto cu tabata warda riba ambulance, polis, cumpliendo cu su trabao di sirbido di pueblo, a habri un parasol, pa asina proteha e cabayero aki di e solo feroz di nos isla. Bon trabao di parti di tanto ambulance como polis.
