Diabierna atardi laat pa anochi a sosode un accidente serio den Spaanse Water. Un boto cu velocidad halto a dal den otro boto cu varios hoben teenager aden. E impacto a causa cu e boto a bolter.
E boto cu a dal e boto cu e hobennan a alcansa un di nan den su cabes. A bati alarma y un di e hobennan no a yega tera. E sla den cabes a causa cu el a bay fondo y te cu anochi no por a localiza e curpa.
Buskeda grandi cu boto y helicopter a cuminsa sin resultado positivo. Ta investigando con e accidente a tuma luga. Con pa un descuido un speedboat ta dal den otro boto cu varios hoben aden.
E hoben Ralph Gruppen di 15 aña ta esun perdi. E buskeda lo continua tambe den dia pa mira si por topa cu e curpa. E noticia aki a sacudi Corsou diabierna anochi.
