Un poco despues di 12:00 pm, un hoben a perde control di su quadracer, a dal contra acera y a cay den un cura di cas den Potreroweg na Dakota.
E hoben a ricibi corta na pia y tambe sla na cabes. Habitantenan a sali y a bin yuda e hoben aki, cubriend’e cu un clechi contra solo y tambe dune awa cu ijs.
Mientrastanto su amigonan a coy e quadracer y a bay cu esaki lagando e hoben benta den e cura di cas.
Un paramedico pensiona a bin dun’e asistencia wardando riba ambulance. Polis tambe a presenta na e sitio pa asina haya mas informacion di e accidente aki.