Despues di dos luna y mey Zr.Ms. Groningen un biaha mas tin na nan disposicion e helicopter maritimo NH90. Awe mainta e helicopter a sali rumbo pa Caribe, cual lo reemplasa esun cu a crash.
Den e ultimo dianan a prepara e NH90 pa e transporte aereo for di Base di Eindhoven. Desde ayera a pone e helicopter riba avion di transporte C-17, cu ta un di e tres avionnan di e programa conhunto pa e transporte aereo pisa di OTAN. No ta comun cu Defensa ta bula den helicopternan pa transporte aereo. Normalmente e helicopter ta riba e barco pero door di cambio di tripulacion ta hacie na e forma aki.
Nave di stacion
Desde juli 2020 Zr.Ms. Groningen ta e barco di stacion activo den area di Caribe. Ta uza e barco aki pa trabounan di guarda costa, operacionnan di rescate, operacionnan di antidroga y asistencia di emergencia. E helicopter NH90 ta brinda sosten.
Dia 19 di juli e helicopter anterior a crash cerca di e costa di Aruba. Den e incidente aki dos tripulacion a fayece, otro dos a sobrevivi. E reemplaso di e helicopter ya tabata riba agenda p’e accidente aki.
