E delantero di Uruguay, esta Edinson Cavani, e hungado nobo di Manchester United no por debuta cu e team probablemente te 21 di october proximo. Esaki ta debi cu e tin di bay den cuarentena.
Cavani, kende ta concentra cu su seleccion, tin di bay den cuarentena momento cu yega Inglatera y no por hunga den e encuentro di United dia 17 di october contra Newcastle United. Sinembargo, e por ta disponibel pa dia 21 proximo p’e prome wega di grupo di Champions League contra Paris Saint Germain (PSG), su ex team.
E duda cu tin ta si Cavani ta den e plannan di Ole Gunnar Solskjaer sin minuutnan di train e pianan debi na cuarentena. Aunke otro futbolistanan a evita cuarentena, door di ta un hungado elite, Cavani kende ta agente libre, no a haya un excepcion y tin di pasa diescuater dia den isolacion.
