Bisiñanan for di Montaña te Tanki Leendert no por mas cu e molester y menasa di e antisocial Allison Figaroa.
Algun dia atras un di su tantisimo victima a dicidi pa, riba su mes, laga traha poster y asina adverti otro habitantenan. Ta pidi pa yama polis ora cu wak e pasobra e ta pasa su dia y anochinan ta cana rond den Montaña, Seroe Janchi, Paraguana, Matadera y parti di Tanki Leendert ta wak kico pa horta. El a bira molester pa varios negoshi di e area cu mester yama polis p’e. Cada biaha agentenan ta bay cune, pero e ta keda bin bek.
Te hasta ora cu tin video di dje ta coba den auto of bisiña a gare cu su propiedadnan den man, Fiscal ta bolbe lag’e bay. Comunidad ta hostina cu Ministerio Publico ta pone man riba e tal ‘recividistanan’ aki, mientras ta laga pueblo indefenso. Recividistanan no ta nada otro cu sinverguensanan cu ta probecha di e debilidad di nos sistema hudicial y ta usa esaki pa biba lekker haciendo nan fechorianan. Awo cu e posternan ta poni diferente caminda, tin basta dia sin wak Allison Figaroa rond. Probablemente e ta scondi cu yudansa di su familiar cu, segun e propio polisnan ta bisa, ta esun cu ta bende e cosnan cu e ta horta y ta dune placa pa sigui alimenta su vicio.
Si Figaroa ta un pashent mental, anto e mester ta cera y bou tratamento. Barionan menciona ta urgi Minister di Husticia pa caba cu e fenomeno di recividista na Aruba y basha abou e cas di choller cu tin riba caminda principal di Montaña pa caba cu e neishi di problema.
