Diasabra dia 1 di September venidero e barco Freewinds lo habri su porta pa un presentacion di e grupo musical “Melodia” cu lo deleita e anochi pa tur presente den “Concierto Ayera y Awe” cuminsando for di 7:30pm riba Freewinds. Entrada ta obtenibel serca tur integrante di “Melodia” of yamando 730-1214 of tambe 567-1664.
Melodia un grupo cu su musica unico lo presenta e anochi aki cu su repertorio varia cu musica na Ingles y Spaño cu ritmonan hopi varia manera, bolero, rock & roll, pop, cumbia y sin laga afo locual mas nan ta concentra ta canticanan den nos dushi Papiamento cu ritmonan di wals, tumba y danza y otro ritmonan bailable.
Melodia no ta desconoci den e mundo di musica folklor, nan a presenta pa algun aña caba den diferente festivalnan cultural y tambe duna presentacionnan na diferente luganan pa nos grandinan y tambe actividadnan pa nos hobennan.
E trayectoria di e cantidad di exito di “Melodia” cu nan produccionnan den pasado, lo no tin duda cu esaki lo ta un concierto cu un y tur lo disfruta di dje.
“Rondalla Universo di Aruba” bou direccion di Frank Croes lo habri e anochi aki cu su 12 integrantenan riba guitara y cantando nos musica tradicional.
E evento aki sigur no ta algo pa perde y corda reserva trempan mirando e cantidad di stoel ta limita.
