Parada di Luz 2019 na Oranjestad, cu a conta cu 11 grupo y mas o menos 4000 participante, a sali lat ayera. Polis a informa cu el a sali pa 8:20pm. Consecuentemente, henter e schedule di parada tambe a cana laat. Pa 12:25am a raporta cu cabes di e parada a yega final y pa 2:30am manece diadomingo madruga e parada a termina, cu ta mey ora mas lat. E aña a detene 9 persona, cu ta menos di e 17 detencionnan di aña pasa.
Cuerpo Policial a bay e parada cu un grupo di 234 Polis riba pia. Diferente departamento di Cuerpo Policial a traha hunto, entre otro Polis Uniforma, Mobiele Eenheid, Departamento di Recherche, Arrestatie Team, Unidad riba Motorcycle, Polis cu cachonan K-9, Empleadonan administrativo y e Commando Kamer. Tambe personal di Cuerpo Especial Arubano tabata encarga cu tur transporte di detenidonan.
