Grandinan di 60+ a ricibi nan vacuna na Centro di Bario Noord

Diaranson un grupo di 60+, cu ta miembro di e grupo Tikitin Clasico di Noord, a presenta na Centro di Bario Noord pa asina tuma nan vacuna contra COVID-19.

Frances Figaroa ta un pensionado, kende ta coordina e grupo aki, tambe tabat’ey pa asina e tambe tuma su vacuna. E ta menciona di ta hopi gradicido na DVG cu a duna e grupo e chens pa den nan mesun club, unda cu nan ta haci nan actividad y deporte, pa tey diaranson mainta na e club, pa nan por haya nan vacuna.

E grupo a registra 23 persona, pero tin di compronde di DVG, cu e vacunanan na prome instante ta destina pa esunnan 60+. Tabatin algun famia cu kier a join e grupo diaranson mainta y no a haya e chens pa haya esaki, pasobra e vacunanan ta destina pa e grupo di riesgo, e personanan mas vulnerabel y personanan 60+.

Grandinan di 60+ a ricibi nan vacuna na Centro di Bario Noord

Grandinan di 60+ a ricibi nan vacuna na Centro di Bario NoordClick e link pa mas: https://24ora.news/2OlHi8K

Posted by 24ora on Wednesday, March 3, 2021

“Salud nos mes tin e den nos mas y nos mester zorg pa nos salud keda bon,” Figaroa a bisa, kende a agrega di ta contento cu tin e profesionalnan di DVG cu tabat’ey na e club pa administra e vacuna.

Maritza Ordoñez, kende ta medico consehero di Salubridad Publico, a compaña e team mobiel pa vacuna casnan di cuido y priva, como tambe e diferente centronan di bario cu ta organisando pa tur persona mayor di 60 aña pa nan haya nan vacuna.

Esaki ta un experiencia hopi apart. Ordoñez semper tabatin contacto cu centronan di bario y casnan di cuido. Tur hende na prome instante tabata spanta pa e vacuna. Tur hende a scucha cu ta malo of ta bon. Awo por a mira e reseptividad di tur hende grandi, ta mira cu ta necesario pa ta protehi pa COVID-19.

Por ehempel ya a vacuna clientenan di varios cas di cuido. E resto si tabatin un tiki den duda, pero awo si nan ta acepta e vacuna. Ta un punto positivo pa nos comunidad. Awo, den Centro di Bario Noord a haya un grupo fantastico. Tur riba 60, 70 y 80 aña, entusiasma pa haya vacuna. Tur hende ta mira awo cu COVID ta algo serio y nan no kier bay hospital.

Segun Ordoñez, nan a haya hopi hende y tambe a haya mas peticion pa vacuna mas. E meta ta pa vacuna tur hende grandi riba 60. Ta kere cu lo logra full e cantidad, cu ta riba 20 mil persona mayor di 60 aña.