Durante pandemia pa hopi a bay keto. Pa Famia Planea tabata net contrario, a nota aumento den tanto bishita personal como riba nan website. Bishita personalmente aumenta cu 115%, clientenan existente y nobo ta keda bishita Famia Planea. Riba nan website a nota un crecemento di 152% compara cu 2019.
Pues por conclui cu den 2020, durante pandemia, personanan tabata mas activo sexualmente compara cu 2019. E bishitanan no tabata solamente pa busca productonan manera condon, pero tambe pa ricibi informacion y guia riba tereno sexual.
Na dado momento Famia Planea tabata out of stock debi na e demanda grandi. Tur servicio di Famia Planea a conoce un aumento, for di nan online store, counseling y bishita personal.
