Gobierno mester wordo informa cuanto hende Cruz Cora ta haya di e situacionnan cu tin di haber cu e Venezolanonan cu ta yega Aruba.
Nan ta uzando un otro tipo di situacion, manera por ehempel di UNCHR y no ta tende nada. Tin hasta hende ilegal cu ta bira garante pa e grupo cu ta yega Cruz Cora. E situacion aki a trece un incomodidad.
Minister Andin Bikker a comenta cu nan ta den contacto cu Cruz Cora y tambe cu UNCHR, e organisacion internacional cu ta coordina esaki, cual ta opera for di Washington DC, cu basicamente ta bin regularmente den Caribe, incluyendo Aruba. Cruz Cora, con cu bay bin ta un entidad priva cu ta atende cu situacionnan humanitario. Gobierno ta den contacto estrecho cu nan. Despues di e incidente cu a tuma luga cu a percura pa basta conmocion den nos comunidad di e menor di edad di 15 aña cu a wordo deporta sin cu a consulta cu e minister, a reuni cu nan, ta bezig awor aki cu un protocol tambe cu nan ta evaluando con e procesonan ta bay. Pero un biaha mas, ta un entidad priva cu ta opera a base di calamidad y tambe situacionnan humanitario. Gobierno tin su maneho y Cruz Cora ta den contacto cu Gobierno, pero nan tin nan propio vision y su punto di bista humanitario. Ta den contacto cu nan. Pero gobierno su maneho y leynan vigente ta bon cla.
