Robby Koolman, coach di Criollo Reds ta sumamente orguyoso di por a batisa uniform nobo
pa Criollo Reds net na tempo pa bay Boneiro otro siman p’un torneo internacional cual tur aña ta tuma luga den Rincon.
E torneo lo conoce participacion di Boneiro, Corsou y Aruba, y Hulanda tambe. Criollo Reds a caba di celebra 23 aña di existencia. Esaki ta di dos biaha cu Criollo Reds ta bay e torneo – e aña aki lo bay cu dos team pa participa den torneo di 40 y lo participa den Open tambe.
E team ta bayendo pa di nan shete uniform y tur biaha nan mes ta sponsor esaki hunto cu fundraising pa cubri gasto di uniform y biahe tambe. E historia di Criollo Reds ta grandi cu varios hungado cu a bay bin pero nan t’ey ainda keto bay. Otro siman 25 di april nan ta bula pa bay e torneo.
E veld unda Criollo ta train tin 45 aña caba y Robby Koolman mes ta bringando p’e, e mes a drecha esaki tambe. RCA ta doño pero nan tin contract pa uza e veld. Esaki ta un veld hopi uza y awor na Aruba. Nan a caba di haci nan ultimo training y ta cla p’e weganan na caminda e siman cu ta bin den torneo na Boneiro y hopi mas na caminda.
