Gobierno awe diasabra a atende e tema di “asilo” cu ta causando hopi preocupacion. Mester enfatisa cu hendenan cu yena formulario na Cruz Cora of cu representante di UNHCR, no a ta e caminda pa cana pa haya asilo. Asilo por wordo duna solamente na esnan cu ta teme pa nan bida y nan indica esaki na momento cu nan yega Aruba, asina Gobierno di Aruba a duna di conoce awe.
E asunto a haya extra atencion ora cu den media a sali We prueba cu keto bay Cruz Cora ta dunando stranheronan un carta cu ta crea e impresion cu nan tin un “status” den nos sistema di migracion. Es mas, a mustra cu prueba con awe ainda tin hende ta hayando e carta aki.
Gobierno a sigura cu te na e momento aki no a duna ni un asilo ainda. Cada caso ta wordo evalua riba su mes. Ta importante pa comunidad ta trankil y ta sigur cu Gobierno ta atendiendo cu e reto aki tambe
Tin un buraco grandi den e proceso, pasobra Cruz Cora a sigura Gobierno cu nan no ta dunando e cartanan aki mas. E representante di UNHCR a bisa cu nan mes ta atendiendo e casonan pero cu nan no ta otorgando cartanan nobo. Asina mes cartanan ta saliendo a base regular den cual stranheronan ta bay na Nacionan Uni y no na DIMAS. Esey ta pone cu nan supuestamente ta wardando contesta di asilo cu nan nunca a pidi formalmente na e instancia concerni, esta DIMAS.
