Leon Sanchez, gerente di mercadeo di Gloria, ta extende un invitacion special na tur famia pa bishita e luga awe. Gloria, cu ta conoci como un luga pa diversion di henter famia, tin e presencia di e personahe Moana p’e ocasion aki.
Durante dia, tur mucha ta keda cordialmente invita pa bin saca potret cu Moana y su compañero Heihei. Como un detaye adicional, e personanan cu bay wak e pelicula awe lo ricibi un coyar di flor for di e personahe mes.
Moana tambe a comparti su entusiasmo, invitando tur e muchanan pa bin bishit’e y comparti cu ne. Ta importante pa tene na cuenta cu e cantidad di coyar di flor cu lo parti ta limita. P’e motibo aki, gerencia ta pidi tur hende pa yega trempan p’asina nan por sigura un di nan coyarnan.
Sanchez a finalisa e anuncio reiterando e invitacion y lagando sa cu nan ta warda tur famia na Gloria pa disfruta di e evento aki.
