Gina Maduro, presidente di ABV (Arubaanse Bond voor werknemers in Verpleeg Instellingen), tambe a sigui declaracion di directiva di hospital diamars mainta despues di nan accion. Eyden el a scucha tambe e ponencia di lo kier bini cu un referendum y su prome reaccion tabata un smile grandi riba su cara.
Tabatin dos aspecto cu a menciona relaciona cu e referendum. Uno ta pa wak si e trahadonan ta di acuerdo cu e CAO, pasobra no por ta di acuerdo cu un solo punto. Sino lo elimina e CAO completo y negocia di nobo. Pero na mesun momento lo midi si di berdad Gina Maduro tin e apoyo di mayoria di e 1300 trahadonan di hospital.
E ta bisa cu no mester lubida cu ABV ta e sindicato di cas y ta den tur seccion di cuido y den hospital ta representa mayoria di e trahadonan. “Nos ta un sindicato solido y stabiel. Esaki no tin nada di haber den e asunto na discusion.”
El a scucha e declaracion di e director di hospital, Jacco Vroegop, y e ta bis cu e el a referi na dje ta cu mester bini referendum pa e CAO cu ta firma caba. “El a bisa cu si trahadonan no ta sostene e CAO, anto e lo scrap indexering, bonus, etc., inclui e pauze.”
Nan no tin problema cu e CAO pero cu e parti di introduccion di un pauze cu na cierto departamento e ta un problema pasobra no tin suficiente personal pa garantisa un bon continuacion di servicio. E forma unilateral di hospital, sabiendo e posicion di ABV ta loke nan tin problema cu ne.
“Ami no tin miedo di referendum. Nos tambe por haci of pidi un referendum. Nos tambe por haci un referendum si nos kier e gerencia aki of no.”
