Den cuadro di e apertura di e aña parlamentario 2021-2022, Su Excelencia Gobernador Alfonso Boekhoudt a duna un discurso riba e topico di democracia y e importancia pa salvaguardia e libertadnan fundamental y e balor universal di esaki. Relaciona cu esaki, mr. Gerlien Croes di fraccion AVP a conta cu e tabatin e honor di forma parti di e comision pa ricibi gobernadora y compañ’e pa e sala.
Croes a reitera bisando cu ayera durante e clausura di aña parlamentario por a tuma nota di tur e preguntanan cu gobierno a haya durante gobernacion caminda cu mas cu mita di nan no a ricibi un contesta. Aki por a mira e cantidad di pregunta cu fraccion di AVP a manda. Esaki ta refleha cu sin importa si ta den gobierno of den oposicion, AVP ta keda proactivo pa iniciativa di ley.
Den e mesun rosea Croes a bisa cu AVP ta hopi critico ora cu maneho no ta resulta y cu nan a ripara cu ainda e comunidad no ta bibando un trankilidad ainda. Pues a pesar cu a duna di conoce ken ta bay goberna nos pais, “nos ta sinti den comunidad cu no tin e trankilidad manera cu nan ta desea y no tin inspiracion…ni un vooruitzicht di kico ta bay pasa”.
Pa cobertura mas amplio lesa edicion di TREMPAN mañan.
