Mervin Wyatt-Ras Trabou di parlamentario no ta facil y ta ricibi hopi critica

Na dos ocasion di e aña aki, esta dia di huramentacion di parlamentarionan como Aña Parlamentario, drs. Mervin Wyatt-Ras a forma parti dje comision di bonbini na Su Excelencia Gobernador Alfonso Boekhoudt. Door di ta cumpliendo binti aña como politico e no por bisa si esey t’e motibo. Y p’e tabata un orguyo pa haci su trabou como parlamentario tur tempo.

Trabou di parlamentario ta hopi importante, e principionan di democracia, e principio cu unda e interes personal no mester ta para central, pero interes general di pueblo. Den su trabou semper el a mira esey, na momento di vota pa duna su sosten na un ley of proyecto di ley, incluso cualkier problema cu bin dilanti. Tin biaha esey no ta facil, pasobra ora un tin cierto pensamento of principio propio, tin biaha e ta conflictivo cu e partido propio y e ora mester tuma otro decision.

drs. Wyatt-Ras ta di pensamento cu si ta kere den democracia, si ta kere fiel den bo idealnan, naturalmente ta logr’e. “Awe nos por a mira un situacion diferente cu Covid-19 a trece cu ne, caminda no tabata tin mucho publico”, el a expresa. Antes tabatin hopi hende den parlamento, pero awo esey no t’e caso. Loke gobernador a trece padilanti ta puntonan cu nan a yega traha na dje.

El a splica cu un dje puntonan esencial ta pa mantene democracia den parlamento, unda respet mester t’ey. Den su funcion el a deal cu esey hopi biaha, unda tabata tin demostracion den parlamento, a pasa den hopi cos. Ta tende cu hopi ta papia cu ta facil pero siendo cu ne momento ey tin di tuma un decision y e no ta uno popular. Tin biaha ta haya critica como presidente di parlamento p’e decision tuma, pero e ta kere cu cada parlamentario sa haci su trabou manera mester sa pa brinda pueblo un parlamento critico.

Pa cobertura mas amplio lesa edicion di TREMPAN mañan.