Den parlamento awe a continua cu e di tres dia pa loke ta e tratamento di presupuesto 2022. Awe pues tabata turno di Minister di Economia, Comunicacion y Desaroyo Sostenibel, mr. Geoffrey Wever y Minister di Enseñansa y Deporte, Endy Croes pa presenta nan parti di e presupuesto. Riba esaki, Wever a bisa cu e tratamento a bay bon y tur pregunta tabata alcaso.
E mes no a haya mucho pregunta, pero si a tuma nota cu tin preocupacion ta reina den parlamento pa loke ta trata nos economia, e cambionan na caminda cu reforma fiscal, e situacion di prijs di gasolin y algun pregunta general di topico macro-economico den su totalidad.
Mas cu claro tabatin algun pregunta critico riba e area di e structura di calculacion di e prijs di gasoline, pero Wever a subraya cu nos mester ta realistico y ta buscando solucion pero e situacion financiero di e pais no ta duna espacio pa, por ehempel, duna un reduccion of elimina accijns.
Pa un relato mas amplio lesa edicion di TREMPAN.
