Desde algun siman, su mama, Gerselyne van der Linde, a pensa den organisa un fiesta special pa su yiu Gedeon cu ta cumpli 6 aña. Como cu no por haci fiesta mas manera antes, el a pensa den algo cu ta “drive by”. Y como cu su yiu ta gusta auto “master”, auto cu ta saca hopi zonido, el a dicidi di acerca tur cu tin un auto asina pa hunto sorprende Gedeon awe riba su hacimento di aña.
Via rednan social a haci un peticion na tur cu tin un auto asina, pa participa. A topa cu un grupo grandi di auto na Misa di Brazil awe pa 5:00pm y asina hunto a sali pa pasa dilanti e cas, situa na Sero Alejandro 25-B na Savaneta.
Pa Gedeon tabata un momento di hopi alegria y felicidad pasobra e nunca por a imagina cu su mama por a acumula tanto auto asina, cu hasta un “race car” a participa pa felicita e mucha homber. A bin un cantidad hopi mas grandi cu e mama a premira, pa cual mester a organisa con tur e autonan ta haya un chens pa pasa y pita e mucha cu a cumpli aña.
Di e forma aki, un idea simpel, a traduci su mes den un fiesta cu di pafo a mustra hopi grandi, debi na e cantidad di autonan cu a participa na e “Gedeon’s 6th Birthday Drive By”
