Awe nochi pa mas of menos 8:00pm a spacha un patruya di polis pa atende cu aglomeracion di hende y desordo na Boca Catalina na Malmok. Bisiñanan a pidi asistencia di polis pasobra e desordo, musica duro, autonan cu ta keinta taira y gritamento pa loco ta stroba nan paz riba un pleno diadomingo anochi.
Polis a constata cu berdad tabatin un grupo grandi di hende cu for di den dia caba a bay disfruta di lama, pero cu no tin fin di bay nan cas ainda. Por ehempel un di e gruponan presenta tabata riba 10 persona. Ora a atende cu nan riba distanciamento social, nan a bisa di no sa mes cu no por tin mas cu 4 hende hunto.
E defensornan di ley a splica nan riba e reglanan nobo debi na Coronavirus y a informa nan di e consecuencianan di no atene nan mes na dicho reglanan. Tur a mustra comprension y a piki jug cu tur nan cosnan, a paga radio y a dicidi cu ta basta y a bay sosega nan curpa na cas.
