Gamma IT Solutions ta e compania cu a desaroya Payroll Pro, 25 aña pasa na Aruba. Segun director Koos Veel. Nan a cuminsa chikito, trahando un programa di Payroll pa Aruba Aloe y for di eynan, nan a bende hunto cu entre otro VCC International, e programa local na Aruba y den un aña tabata riba mercado di Corsou, despues Boneiro, St. Maarten, Saba, St. Eustatius, Suriname. Gamma a crece super lihe, pasobra den un paar di aña nan tabata marktleider riba software den Caribe.
Nan tin 15 persona trahando na Gamma, compania cu ta desaroya y programa. Na VCC tambe tin mas of menos 10 hende trahando continuamente cu Payroll Pro, dunando sosten na clientenan. Na Corsou tambe tin dos hende di VCC cu ta duna sosten pa Payroll Pro.
Tambe nan tin e programa di Radex na Imigracion di aeropuerto y tur otro puerto di Aruba. Ta un programa grandi cu ta maneha y procesa tur informacion di bishitantenan di Aruba. Awor aki nan ta ampliando e programa di Payroll Pro pa otro paisnan cu ta pafo di Caribe Hulandes y pa instala esey nan tambe. Tambe nan ta bezig cu imigracion, pa asina bende nan na otro paisnan den Caribe. Pero paisnan cu tin mester di turismo, mester di un bon control di nan fronteranan y esey ta e futuro, segun Veel. Ta wak cu nan ta creciendo den grandi y tin hopi interes den nan programa di Radex y di imigracion.
Gamma a crece den e ultimo 25 añanan cu e compania cu nan ta awor aki. Nan ta creciendo hopi mas rapido awor aki. Veel ta spera cu pronto nan lo ta hopi mas grandi. Nan ta un producto orguyoso di Aruba y ta un producto di exportacion pa otro paisnan.
