Na final di caya tin un edificio bandona cu tabata destina pa hotel y ta cera pa basta aña. Adicto ambulante a ta haci uzo di e edificio aki. Pero gobierno tin plan di desaroyo pa San Nicolas, pero ya caba a papia cu un di e doñonan riba e edificio cu mester ta un hotel na San Nicolas.
Minister di Turismo y Salud Publico, Dangui Oduber, a indica cu nan tin master plan pa Seroe Colorado. Esaki ta pa mehora e infrastructura y upgrade henter e area di Baby Beach y Rodger’s Beach. Segun e mandatario, pa otro siman e trabounan ta bay cuminsa.
EDIFICIO FINAL DI CAYA
Pa loke ta e edificio na final di caya, segun e mandatario, nan a papia cu un di e doñonan. A informa e mandatario cu nan a logra resolve e diferencia cu nan tabatin y asina ey por sigui cu e proyecto. Pero ainda tin algun problema cu nan mester resolve cu Elmar.
Oduber a sigui splica di a tuma contacto cu Minister di Energia, Glenbert Croes, pa mira con por facilita nan cu e problema di coriente dje edificio. Y asina ey por cumpli cu e deseo pa e edificio bira un hotel manera tabata e intencion di hopi aña pasa.
SINTA PA MIRA E PLAN
A puntra e mandatario riba e echo cu si gobierno lo tuma algun paso en caso cu un biaha mas para cu e proyecto y e edificio aki bira un biaha mas luga di adicto ambulante. Segun e mandatario, por a mira loke a pasa cu algun edificio na Playa na momento cu no tabata uza nan mas y e doñonan no tabata claim nan.
Gobierno a benta nan abou, pero na San Nicolas esey no ta bay t’e caso. Nan mester sinta cu e famia pa mira con realistico e plan ta.
Pa mas lesa TREMPAN.COM.
