Echo ta cu costo di bida ta halto y esey ta bisto riba e cantidad di mayor cu ta lucha pa cumpra e materialnan necesario di scol pa nan yiunan, como tambe e pago di schoolgeld.
Esey tambe ta loke cu Fundacion Pa nos Comunidad (FPNC) ta wak. Segun director di FPNC, Gianaika Van der Biezen, ta mira tambe a base di un financiele toetsing, awendia placa no ta yega pa tur cos, vooral pa scol. Ora cu haci e calculacion ora cu mester paga e collegegeld, aircogeld, cada cos cu cada mucha tin mester, si tin yiu cu tin diferencia di edad grandi, por ehempel un ta bay bovenbouw y e otro onderbouw, e exigencia ta hopi.
Si tin un entrada cu no ta halto, ta haci un impacto hopi grandi. A pensa y a mira esaki. Tambe nan a cuminsa haya hopi hende cu no tabata registra, a puntra toch pa ayudo. Pa hopi aña, Caliente FM a yuda cu un radiothon unda cu ta colecta hopi. Tambe tin diferente compania cu tur aña ta duna standard, tanto cantidad di tas y a mira cu hopi mas hende a acerca door di e Radiothon, pa sinta cu nan pa mira si esaki tabata posibel.
E mayornan mester ta consciente cu cada yiu ta un gasto extra. Ta dificil pasobra costo di bida ta subi, pero enseñansa p’e yiu ta hopi importante. Awendia, ta spera cu e muchanan aki den futuro, nan por tin nan diploma den man, pa nan ta bon prepara, cu pa mañan nan tin bon entrada y por sostene nan famia mas miho.
Aworaki berdad ta dificil pa tin tanto gasto, si tin un cas cu hopi yiu, pa por tin e gastonan aki cubri.
