Relaciona c’un posibel caso di Monkeypox, DVG a saca un comunicado p’asina alerta riba e posibel presencia di Monkeypox riba nos isla.
Den e comunicado DVG ta pidi e comunidad pa sea alerta pa posibel contagio y cu esaki ta aparece mas tanto bou di e hende hombernan cu ta tene relacion c’un persona di su mesun sexo, pero cu no ta su pareha vast.
Esaki sigur no a cay na agrado di e asociacion Orguyo cu a contraresta e ponencia di DVG. Orguyo ta avisa tur hende sigui conseho di nan dunado di cuido. Monkey Pox, manera tur otro malesa, no ta discrimina. El a pidi pa tur hende cuida, pero den mesun manera ta pidi tambe pa no uza e malesa aki pa stigmatiza ningun grupo.
Loke si nan ta lamenta cu ta tarda asina hopi pa saca informacion di esaki. E unico manera cu por stop contagio ta door di tin informa e poblacion debidamente. Monkey Pox no ta un malesa di hende homosexual, pero cu al momento e contagio mas grandi ta tumando luga entre personanan masculino cu tin relacion sexual c’un persona di nan mesun sexo, cu no ta su partner fiho y cu tin mas cu un partner.
Esaki ta haci cu Monkeypox no ta mucho diferente cu cualkier otro malesa STD. Abstene o uza proteccion ta unico manera pa evita un contagio.
