Fundacion Lanta Papiamento ta organisa pa di dos biaha

ERIA DI PAPIAMENTO, diadomingo dia 26 di mei Fundacion Lanta Papiamento, cu sosten di Departamento di Cultura y Ministerio di Cultura ta organisa un bes mas Feria di Papiamento.

Den luna di mei ta conmemora oficialisacion di Papiamento: e aña aki nos ta celebra 16 aña di Papiamento como idioma oficial.

E aña aki e feria lo tuma luga diadomingo dia 26 di mei na Centro di Bario Playa Pabou. Ta trata di un feria pa henter famia. E actividadnan ta cuminsa 5 or di atardi y lo dura te 8 or di anochi.

 

Fundacion lanta Papiamento ta organisa Feria di Papiamento. Click link pa mas https://24ora.tv/2VYkPSb

Posted by 24ora on Wednesday, May 22, 2019

Lo tin benta di buki, skina di conta storia, competencia di sesosport, wega di Papiamento, charla tocante Papiamento, skina cu Dino Jump, show di baile, canto, declamacion di arte di palabra, reconocimento special, pelicula na Papiamento, bar y cushina pa grandi y chikito. Pa clausura e evento Grupo di Betico lo presenta su miho cancionnan na Papiamento.

E aña aki Fundacion Lanta Papiamento ta otorga reconocimento na e siguiente scolnan: Emmaschool, Trupial Kleuterschool, Colegio San Hose, Colegio Conrado Coronel y Colegio San Antonio. E competencia di sesosport ta gratis. Pa participa por forma grupo di 6 persona y inscribi via whatsapp 5936187.

Tur hende ta bonbini na Feria di Papiamento 2019 pa gosa cu famia y duna honor na nos lenga materno Papiamento