Si e upgrader habri e ta yuda tanto pueblo di Aruba como caha di gobierno

Hotel nunca no por banda di un upgrader, segun presidente di IOWUA, Boy Anthony. For di terminal ta saca 125 hende. Na hotel di 1100 hende trahando. Asina mes tin e spinning effect di tres biaha. Cua hotel ta sak’e y Aruba ta yen di hotel caba.

Salario cu condicionnan na un terminal ta hopi bon. E turnaroundnan ta hopi bon, segun Anthony. No por give up na e upgrader. Anthony a papia cu su hendenan cu a bay reunion, e directiva diario, cu nan mester sostene tanto Gobierno como RdA. Mester purba te ultimo, pasobra esaki ta e business. Esaki ta e galiña. Vooral awo cu e ta un compania di gobierno. El a pasa tanto FMSA como e infrastructura ta di gobierno. Awo mas cu nunca mester bringa p’e.

Boy Anthony: IOWUA tabata tin un hopi bon reunion cu RDA y Gobierno. Click link pa mas https://24ora.tv/2WjJTma

Posted by 24ora on Wednesday, May 22, 2019

Tambe Anthony a menciona cu el a traha 20 aña afo. Ta un Aruba tin, un baranca tin. Anthony tin sigur cu hopi cu ta traha no ta pensa mesun cos, pero job security ta hopi importante.Anthony ta sigur tambe cu si mester bin bek, nan ta bin bek, pero mester tin e garantia. Esey ta fastioso, pasobra bo no por bin pa dos luna. Anthony sa esey, gobierno sa esey y RDA sa esey.

Aliento di speransa

Boy Anthony a splica cu nan a sali calma for di e reunion cu gobierno y RDA. E situacion ta hopi fastioso si, pasobra e sancion no ta den nos man. E situacion na Venezuela no ta den nos man. Aruba ta un pais chikito. Pero bo mester sigui lucha. Ta un Aruba so tin. Si bo bay give up, bira negativo, cuminsa keho, cu kico ta gana. Pesey Anthony ta keda positivo y a agrega cu ta sostene tanto gobierno como RDA, IOWUA y su hendenan pa full e luga.

Tin un luga di Aruba awor aki. Tempo cu tabata tin’e pa multinational, a bringa, a traha 800 ora overtime. Ban bringa pa nos mes awo, Anthony a splica. Aruba ta den un debe hopi grandi. Si e upgrader habri, e ta gana hopi mas placa cu Citgo, cu tur. E ta yuda tanto e pueblo di Aruba como e caha di gobierno. Anthony kier a demostra esnan cu no ta kere, e kier probanan robes y esey ta conta pa e ministernan cu no ta kere y e comerciantenan cu no ta kere. Ta sigui bringa te unda cu por. Esey ta e mensahe di Boy Anthony.