POHnan a celebra Dia Internacional di POH cu un teambuilding

Diaranson, 22 di Mei, ta Dia Internacional di POH y ta celebra esaki cu un teambuilding, pa asina tur POH bin hunto riba un dia ameno y asina pa yega cerca di otro.

Segun Natasha Upegui, nan ta 32 POH, di cual 13 awor aki ta den opleiding. Actualmente na tur dokter di cas tin un POH trahando. POH ta para pa Praktijk Ondersteuner Huisartsenzorg. Cada un di e POHnan ta un enfermera riba su mes. Nan ta haci un specialisacion pa por yuda e diabeticonan y pashentnan cu tin problemanan cardiovascular. Nan ta traha na un dokter di cas, y asina ta duna guia na e personanan aki.

 

POHnan a celebra Dia Internacional di POH cu un teambuilding

POHnan a celebra Dia Internacional di POH cu un teambuilding. Click link pa mas https://24ora.tv/2JVCKlg

Posted by 24ora on Thursday, May 23, 2019

Funcion

E ta un trabao relevantemente nobo aki na Aruba. Na Hulanda e ta conoci caba. Nan ta draai rond di nan propio oranan di consulta. Nan ta yama e pashent cu ta conoci cu tin diabetes of problemanan cardiovascular. Ta sinta papia cu e pashent, dun’e guia, dun’e conseho con pa hiba un bida mas saludabel. Tambe nan ta check bista, funcion di reunion, check pianan. Nan ta haci trabao preventivo unda cu nan ta percura pa e pashent haya menos complicacion door di e malesanan cronico cu tin y por bin semper pa ayudo of conseho.

Opleiding

Pa haci e opleiding, ta pidi un minimal MBO opleiding, cu achtergrond di enfermeria of doktersassistent. Nan ta traha bao di Wit Gele Kruis cu na nan turno ta pone e POHnan na un dokter di cas, caminda cu nan ta eherce nan funcion.

Ultimo palabra

Upegui ta gradici sponsornan entre otro Ling & Son, Botica di Servicio. Ta gradici tur pa a haci e dia aki posibel. Ta duna pabien na coleganan cu ta celebra e di aki, pa yega hunto como un team. Nan ta traha apart na un dokter di cas. Tur cos ta bay via telefon y no ta mira otro. Sin embargo nan a reuni y haci e team bira mas grandi. POH nan ta lantando nan propio organisacion pa trece e trabao aki mas eyfo pa asina Aruba mira kico nan por haci y nifica e pashentnan. Tambe nan ta bezig pa tin un POH Congres. E lo ta dos dia. Uno pa profesional y e otro pa pueblo en general.