Fundacion Educar pa Transformar ta sigui comprometi cu educacion y desaroyo profesional na Aruba. Recientemente, varios grupo di alumno a completa un etapa importante den nan formacion di Facial Nivel Profundo, na momento cu a presenta nan examen teorico y practico.
E formacion ta combina conocemento teorico cu experiencia practico, pa prepara e participantenan pa traha cu mas conocemento, siguridad y profesionalismo den e area di estetica facial.
Durante e curso, e alumnonan no solamente ta ricibi les di teoria, sino tambe nan tin un dia special di demostracion, unda nan por observa e tecnica nan, siña e procedementonan y compronde e aplicacion corecto di e conocemento cu nan a ricibi durante e lesnan.
E examen teorico ta evalua e conocemento cu e participantenan a desaroya durante nan formacion, mientras cu e examen practico ta duna nan e oportunidad pa demostra nan habilidad, tecnica y preparacion den practica.
Fundacion Educar pa Transformar ta felicita tur e participantenan cu a dedica tempo, esfuerso y perseverancia pa yega na e etapa aki. Fundacion Educar pa Transformar ta sigui traha pa ofrece formacion cu ta combina teoria y practica, creando oportunidad pa mas hende desaroya nan talento y fortalece nan habilidad profesional.
Inscripcion pa januari 2027
Pa tur esnan cu tin interes pa sigui un formacion den area di estetica facial completamente gratis, Fundacion Educar pa Transformar lo tin cupo disponibel pa grupo nobo na januari 2027.
Personanan interesa por haya mas informacion of registra via: [email protected] of www.fundacionfet.org.
